الهجرة إلى الولايات المتحدة الأمريكية

ليش دايما حلم الشباب العرب والأردنيين هو

الهجرة إلى الولايات المتحدة الأمريكية



متل ما بنعرف كلنا انو الغالبية العظمى من شباب الوطن العربي كل همهم إنهم يسافرو على أمريكا علشان يدرسو أو يتعلمو أو يشتغلو أو حتى لمجرد انو فكرة العيشة في أمريكا عاجبتهم .... مع انو معظمهم لساتو بحب وطنه و بخلص لبلده .... متلا أنا بعرف كتير من أصدقائي وقرايبي اللي سافرو على أمريكا علشان يشتغلو ويعيشو هناك .. بس بعدهم بحبو الأردن كتير ولساتهم بيلبسو الشماغ الأردني وبيتباهو فيه بين أهل أمريكا على الرغم من إنهم صارهم سنين بأمريكا....



بس هلأ السؤال اللي بطرح نفسه علينا : ليش أهل الأردن بيهاجرو على أمريكا وبتركو بلدهم مع انو المدارس والجامعات والوظائف متوفرة وموجودة في الأردن ؟؟؟ .... أنا رح اجاوبكو!!! ..... هسا اللي بهاجر على أمريكا لو اشتغل شو ما اشتغل حتى لو ديليفري أو حتى زبال مش رح يوخد اقل من ألفين تلات آلاف دولار شهريا بس هون بالوطن العربي مش رح يطلعله اكتر من ميتين دينار يعني بالمحصلة رح يلاقي العيشة هناك أحسن.....

انا ما بدي اطول عليكو .... بس حابة احكيلكو شغلة صغيرة من وجهة نظري... انو إزا صارت نسبة الأمريكيين من أصل عربي و أردني كبيرة في أمريكا رح يكونلهم تأثير كتير كبير على القرارات السياسية بأمريكا وهاد الإشي رح يخدم بالمستقبل مصالحنا كأردنيين وكعرب ورح يرجع بالنهاية للأردن والعالم العربي زعامة العالم .... ولهداك الوقت بيكونو الأردنيين ببلاد الغربة قدمو إشي عظيم لبلدنا الأردن وملكنا المفدى اللي حبنا وحبيناه ورح نظل نحبه على طووووول .....



طبعا انا كتبت هاد الموضوع لانه بحد ذاته بكون موضوع بناقش الراي و الراي الاخر ...... لهيك انا بطلب منكو ردود نابعة من داخلكو كاردنيين وكعرب ......



((( WITH ALL OF MY LOVE )))

Marina Sahawneh

والله معاكِ حق بكل اشي


يعني احسن اذا بيروحوا هناك


وغيرو بعض الشغلات هناك


يسلمووو على الطرح

السلام عليكم

انا مواطن اردني أعيش في كندا و مقدم على الهجره الكنديه. قصتي و بعد تخرجي من الجامعه قررت السفر خارج البلاد للدراسه فقدمت اوراقي لأكثر من دوله مثل بريطانيا و كندا و ألمانيا.
بالنسبه لبريطانيا قبلت في احدى الجامعات و لكن لم اذهب لان رسوم الدراسه مرتفعه جداااااا.
و بالنسبه لألمانيا لقد طلبوا مني ان أتكلم اللغه الالمانيه و لذلك تعلمت اللغه الالمانيه و وضعي جيد باللغه الالمانيه و بعد ذلك رفضوا طلبي بالدراسه لأسباب لم تكن موضوعيه.
ثم كندا, لقد قبلوني بدون تعقيد لدراسه الماجستير في احدى الجامعات العريقه, و لكن السبب الذي دفعني الى الهجره هو ان رسوم الدراسه مرتفعه جدا و لكن الشخص الذي يحمل الجنسيه الكنديه او الاقامه الدائمه يدفع نصف التكلفه و ليس مثل الطالب الغريب.

بالنسبه للشباب الذين يهاجروا من اجل النقود, اسمحيلي ان أقول هذا الموضوع 90% لا ينجح لاسباب كثير مثلا
راتبي الشهري يقارب 3000$ الى 4000$ شهريا و لكن هذا يتطلب مني ان أعمل ما يقارب 12 الى 14 ساعه يوميا في شركه انشاءات. و يجب علي دفع 2000$ شهريا للجامعه و 500$ اجار الغرفه و 500$ اخرى للفواتير
و المتبقي احيانا لايكفي ثمن طعام لاخر الشهر و الحمد لله.
و مع ذلك الواحد منا كشباب عرب و مؤمنين يطمح بالافضل الذي ممكن ان يكون في المستقبل.

عدا عن ذلك كله انا أفضل الحياه بكندا خصوصا في الوقت الحالي اكثر من اي بلد أخر و لاسباب كثير في بلادنا لايوجد فرص عمل جيده للشباب و أحسن فرصه للعمل هي التعليم او الجيش, و التعليم جربته لمدة ثلاث سنوات و بدون اي فوائد. الرواتب لا تتناسب مع غلاء الاسعار. الحياه الاجتماعيه صعبه جدا. الواسطه و المحسوبيه .

سامحوني على سلبيتي