التمييز بين الطلبة في المدارس (2)

التمييز بين الطلبة في المدارس (2)

بالنسبة للموضوع اللي حكيت فيه المرة اللي مضت .... اجتني أسئلة عن سبب طرحي لهاد الموضوع وانو هل بميزو معي أو ضدي !! ......

أنا هون بهاي المدرسة ما حدا بميز لا ضدي ولا معي ...... بس كل القصة وما فيها إني شايف هون شوية بنات معدلهم عالي كتير بس من خلال احتكاكي فيهم لقيت إنهم مش شاطرين (((يعني مستواهم الدراسي والعقلي ما بيستاهلو عليه هيك معدل))) .......



أنا متأكدة انو في منكو هلأ مفكر إني غيران منهم أو هيك اشي..... بس أنا مش غيران منهم بالمرة .... لأربع أسباب:



الأول : انو الإنسان من الطبيعي انو يغار من اللي اشطر منه وأذكى منه ..... بس أنا متأكدة إنهم مش اشطر مني ولا أذكى مني (وأنا هون مسؤولة عن كلامي ومستعدة لأي اختبار ذكاء أو أي اختبار تاني).


السبب الثاني هو إني أنا واثقة من حالي كتير لأني بعرف انو كل إنسان عنده مميزات مش موجودة عند غيره .. بتخليه أحسن وأفضل من غيره .... وهدول البنات مش رح يكون عندهم أفضل من اللي عندي.



السبب التالت انو الكل هون عارف انو الطالبة اللي بميزوها المعلمات عن غيرها لمجرد إنها (((بنت معلمة))) رح يصير عندها غرور بنفسها لدرجة انه يتحول لمرض نفسي.... و الكل بيعرف انو دايما المغرور بنفسه طبيعي رح يكون فاشل في المجتمع .......



السبب الرابع والأخير انو لو القينا نظرة على عظماء العالم من علماء وأدباء ومفكرين أو حتى رؤساء دول ورجال سياسة ... رح نلاقي إنهم كانوا من الطلبة ذوي المعدل المتوسط .... وفي دراسة قرأتها على موقع أمريكي(((موقع d.phil))) بتحكي انو اغلب المتفوقين بالمدارس بكونو متفوقين أكاديميا (((بس مش اكتر))) وما عندهم أي إبداع أو تميز .....



وعلى فكرة ... أنا ما بدي تفكرو إني كتبت هيك موضوع لأنه معدلي مش كويس ... أنا من الاوائل على صفي و معدلي (((95))) وبفتخر إني اخدت هيك معدل بجدارتي مش زي غيري .....



وآخر اشي برد أعيد واحكي لكل معلمة إنها لاااااازم ما تميز بين الطالبات لأنها بهاي الحالة بتضر البنت اللي بتميز معها واللي بتميز ضدها ... وبالنهاية رح تكون خربت و دمرت الصف كله ... ولو كل معلمة بالأردن بدها تعمل هيك رح يخرب الأردن كله .... وأنا متأكدة انو ولا معلمة بتحب تكون سبب مباشر في إعاقة مسيرة بلدنا في طريق التقدم و الازدهار ...... و بحب احكي انو المعلم شجرة للعطاء .... ومتل ما بنعرف كلنا انو الشجرة بتثمر نوع واحد من الثمار ... متلا ما في ولا شجرة بالكون كله بتطلع تين و شوك .... نفس الاشي المعلم ومتل ما حكا السيد المسيح (((من ثمارهم تعرفونهم))).....

علشان هيك أنا بحكي لكل معلمة هون بالمدرسة إنها تكون شجرة للخير والعدل ......



ولا تنسو ما ورد في القران الكريم : "إن الله يأمركم إذا حكمتم أن تحكموا بالعدل "



وكمان ما تنسو اللي حكاه السيد المسيح -عليه السلام- "كل شجرة لا تثمر ثمرا جيدا تقطع وتلقى في النار"

وآخر اشي بحب احكي لكل بنات المدرسة انو أحسن وحدة فينا عند ربنا هي اتقى وحدة مش (((اشطر وحدة))) .....



WITH ALL OF MY LOVE

MARINA SAHAWNEH

Ninth grade -C-

بما انك حكيتي انك مستعدة لاي اختبار ...... هاد اكبر دليل على انك واثقة من حالك وعارفة انك اذكى واشطرمن البنات اللي حكيتي عنهم ...... وصحيح انا ما بعرفك .... بس عنجد انا بهنيكي على شخصيتك القوية وياريت كل طالبات الاردن يكونو متلك

دليانا